Cyfarwyddwr
Mae gan Llinos dros 25 mlynedd o brofiad ym maes cyfathrebu a chysylltiadau cyhoeddus.Mae wedi gweithio’n fewnol gyda sefydliadau ar lefel uwch, fel mentor annibynnol ac i gydweithio â sefydliadau cyhoeddus. Cyn sefydlu Ateb yn bennaeth cyfathrebu yn y sector tai, ac mae wedi datblygu cyfathrebu cyfathrebu, yn ogystal ag arwain Tim cyswllt cymunedol a gofal cwsmer.
Yn Ateb, Llinos sy'n arwain ar brosiectau cysylltiadau cyhoeddus a chyfathrebu, yn ogystal â chyngohori cleientiaid ar gyrraedd cynulliedfaoedd dwyieithog. Mae hi hefyd yn arwain ar gyhoeddiadau, cynnwys dwyieithog a rheoli digwyddiadau. Astudiodd Ffrangeg ac Eidaleg ym Mhrifysgol Caerdydd ac mae ganddi radd Meistr mewn Busnes ac Ieithoedd Ewropeaidd o Birfysgol Southbank, Llundain. Mae'n aelod o'r Sefydliad Siartredig Cysylltiadau Cyhoeddus (CIPR) ac yn aelod o gymdeithas dai Grŵp Cynefin.
Mae gan Rhys dros 16 mlynedd o brofiad mewn swyddi cynllunio strategol uwch, cydymffurfiaeth reolaethol a datblygu economaidd a chymunedol.
Wedi bod yn bennaeth ar dîm gyda chyfrifoldeb dros wasanaethau corfforaethol a chyfreithiol, y Gymraeg, ac archwilio mewnol – penderfynodd fynd amdani a defnyddio ei brofiad helaeth i sefydlu Ateb.
Mae Rhys yn gallu meddwl yn strategol ac mae’n angerddol dros ddarparu gwasanaeth o’r ansawdd uchaf i gwsmeriaid. Fo sy’n arwain ar gydymffurfiaeth a datblygu strategaethau iaith yn Ateb, gan gynghori cleientiaid ar gynllunio gwasanaethau amlieithog.
Wedi derbyn gradd o Brifysgol Bangor a chymhwyster ôl-radd mewn Cynllunio Gwlad a Thref a Datblygu Cymunedol, mae Rhys hefyd yn gyfarwyddwr anweithredol gyda’r fenter gymdeithasol, Antur Waunfawr ac yn aelod o fwrdd Glas Cymru. Mae'n hoffi craffu’r manylion, ac yn ei eiriau fo ei hun mae'n dechrau magu ychydig o obsesiwn am y safonau. Rhys yw siaradwr y swyddfa ac mae’n mwynhau cael ei herio a meddwl ar ei draed!
Rheolwr Cyfathrebu a Chynnwys
Yn brofiadol yn y maes cyfathrebu, mae gan Erin brofiad o weithio yn y diwydiant, yn arbenigo mewn marchnata cyfryngau cymdeithasol, cyfathrebu strategol, datblygu brand, ysgrifennu copi, a chysylltiadau cyhoeddus (PR).
Mae Erin wedi arwain ar gyfathrebu o fewn y sectorau cyhoeddus a phreifat ac mae'n deall cymhlethdodau cysylltiadau cyhoeddus a materion cyhoeddus o fewn y dirwedd hon. Dros y blynyddoedd, mae Erin wedi adeiladu rhwydwaith cryf o unigolion a busnesau ar draws Gogledd Cymru a thu hwnt, mae’n angerddol dros gynnal perthnasau ac yn gweld gwerth mewn creu cysylltiadau.
Mae Erin yn Gyfarwyddwr anweithredol ar fwrdd Menter a Busnes ac yn aelod o fwrdd Sefydliad Siartredig Cysylltiadau Cyhoeddus (CIPR) Cymru. Mae Erin yn aelod o'r CIPR ac mae ganddi Dystysgrif mewn Cynhyrchu Cyfryngau Uwch (MSc) a Gradd mewn Rheoli Busnes.
Ni fyddai Ateb yn gyflawn heb ein rhwydwaith eang o ymgynghorwyr a chysylltiadau profiadol rydym yn gweithio gyda nhw o bryd i'w gilydd i gyflawni prosiectau ac ymgyrchoedd penodol.