Rydym yn asiantaeth cyfathrebu sydd yn arbenigo mewn strategaethau a pholisïau iaith, a chysylltiadau cyhoeddus.
Mae bod yn ymarferol a chost effeithiol yn greiddiol i’n strategaethau a pholisïau iaith. A chyda cyfathrebu dwyieithog yn rhan allweddol o'n cynnig rydym yn gallu darparu pecyn cyflawn sy'n helpu sefydliadau a busnesau i gyrraedd cynulleidfaoedd dwyieithog, newydd, a chyfleu eu negeseuon yn glir.
O'n swyddfa ger y Fenai, ym Mhorthaethwy ar Ynys Môn rydym yn cydweithio gyda sefydliadau ar draws y DU i wneud y mwyaf o'r cyfleoedd sy'n dod o gyfathrebu a darparu gwasanaethau dwyieithog. Rydym yn gwmni bychan sydd wedi datblygu profiad sylweddol – ac rydym yn hynod falch o'n rhestr helaeth o gleientiaid. Mae ein gwaith wastad i'r safon uchaf sy'n golygu bod ein cwsmeriaid yn dod yn ôl atom dro ar ôl tro.